آنے والے وقت میں جھنگ کے باسیوں کو ایک خوشگوار ماحول مہیا ہو گا،عبداللہ خرم نیازی

تقریبا چار ماہ قبل “سر سبز جھنگ” مہم کے آغاز کے ساتھ آدھیوال چوک سے ایوب چوک کی جانب روڑ کے ڈیوائیڈر میں قد آور پودے لگائے گئے۔جو جھنگ میں خاصے مشہور بھی ہوئے۔ پودے لگانے کے ساتھ ہی فطری طوری پر پودوں کے سوکھ جانے کا عمل شروع ہوا۔ جس پر سخت تنقید کا سامنا بھی کرنا پڑا۔بنیادی طور پر میکسیکن پام اور کاپرنیشیا کے ان پودوں کو نشوونما کیلئے کچھ وقت درکار تھا۔جو اللہ پاک کے فضل کے بعد میونسپل کمیٹی کی ٹیم کی دیکھ بھال سے اب ہرے بھرے ہونے کے ساتھ تیزی سے نشوونما پا رہے ہیں۔ شہر کی دیگر شاہراہوں پر بھی مختلف اقسام کے بڑے سائز کے خوبصورت پودے لگائے گئے۔جن کی باقاعدہ دیکھ بھال جاری ہے اور وہ بھی اپنے وقت پر نشوونما پائیں گے۔جن سے شہر کی شاہراہیں دلکش منظر پیش کریں گی۔آنے والے وقت میں جھنگ کے باسیوں کو ایک خوشگوار ماحول مہیا ہو گا۔