ضلع کی چاروں تحصیلوں میں اسسٹنٹ کمشنرز کی زیر صدارت کھلی کچہریاں لگائی گئیں

وزیرِ اعلیٰ پنجاب مریم نواز شریف کی ہدایات پر شہریوں کے مسائل کا ازالہ موقع پر جاری ہے۔اس حوالہ سے ڈپٹی کمشنر محمد عمیرکی ہدایت پر ضلع کی چاروں تحصیلوں میں اسسٹنٹ کمشنرز کی زیر صدارت کھلی کچہریاں لگائی گئیں جس میں محکمہ مال سے متعلقہ افسران و سٹاف اور دیگر متعلقہ افسران بھی موجود تھے۔ اسسٹنٹ کمشنر جھنگ عمران رفیق، اسسٹنٹ کمشنر شورکوٹ لیفٹیننٹ ریٹائرڈ اسفند یار،اسسٹنٹ کمشنر اٹھارہ ہزاری خضر رزاق منج اور اسسٹنٹ کمشنر احمدپور سیال نے کھلی کچہری کے دوران شہریوں کے مختلف نوعیت کے مسائل کو فرداً فرداً سنا اور متعدد درخواستوں پر مقررہ وقت میں رپورٹس پیش کرنے کے احکامات جاری کئے گئے۔ اس موقع پر انکا کہنا تھا کہ وزیر اعلیٰ پنجاب مریم نواز شریف کی ہدایات پر شہریوں کے مسائل حل کرنے کیلئے یہاں موجود ہیں۔مسائل کو فوری حل کرنے کیلئے براہ راست درخواستوں کی سماعت کرکے ترجیحی بنیادوں پرریلیف فراہم کررہے ہیں۔سائلین کی درخواستوں پر سو فیصد میرٹ کو یقینی بنایاجارہا ہے۔