سید حسن نصراللہ کی شہادت اور اسرائیلی جارحیت کے خلاف امام بارگاہ قدیم جھنگ سٹی سے ایوب چوک تک ریلی

قائد حزب اللہ سید حسن نصراللہ کی شہادت پر،اور اسرائیلی جارحیت کے خلاف امام بارگاہ قدیم جھنگ سٹی سے ایوب چوک تک ریلی نکالی گئی,ریلی کی قیادت صدر مجلس وحدت مسلمین ضلع جھنگ سید روح اللہ کاظمی نے کی سید حسن نصراللہ کی شہادت پر اور اسرائیلی جارحیت کےخلاف مجلس وحدت مسلمین اور امامیہ سٹوڈنٹس کی جانب سے امام بارگاہ قدیم سے احتجاجی ریلی نکالی گئی ریلی کی قیادت صدر مجلس وحدت مسلمین ضلع جھنگ سید روح اللہ کاظمی نے کی احتجاجی ریلی میں ضلعی امیر جماعت اسلامی مہر فرید مگھیانہ,ڈاکٹر عبدالجبار سمیت دیگر نے شرکت کی احتجاج میں شہریوں کی کثیر تعداد نے شریک تھی۔شرکاء نے پلے کارڈز اور بینرز اٹھا رکھے تھے جن پر مذمتی تحریریں درج تھی اس موقع پر شرکاء نے اسرائیل اور امریکہ کے خلاف شدید نعرے بازی بھی کی ۔سید روح اللہ کاظمی کا کہنا تھا کہ شہید حسن نصر اللہ کا جو نظریہ تھا جو مقصد تھا وہ کبھی رکنے والا نہیں اس تحریک کا اختتام قبلہ اول بیت المقدس کی آزادی پر ہوگا امریکہ اور اسرائیل اور ان کے اتحادیوں کے ناپاک عزائم نامراد ہوں گے ضلعی امیر جماعت اسلامی مہر فرید مگھیانہ و دیگر کا کہنا تھا کہ عالم اسلام ایک عظیم شخصیت، اور حزب اللہ ایک بے مثال رہنما سے محروم ہو گئی۔ حسن نصر اللہ کی شہادت عالم اسلام کے لیے لمحہ فکریہ ہے اقوام متحدہ اسرائیلی جارحیت اور بربریت کا نوٹس لیکر عالمی لیڈر حسن نصر اللہ کی شہادت پر اسرائیل سے سفارتی تعلقات ختم کرے.انہوں نے مزید کہا کہ اب فیصلے کا وقت ہے تمام امت مسلمہ کو بیداری کے ساتھ اتحاد کی ضرورت ہے