جھنگ: نارکوٹکس کنٹرول اسٹیشن کا منشیات کے خلاف کریک ڈاؤن، 1510 گرام افیون برآمد،ملزم گرفتار

جھنگ : نارکوٹکس کنٹرول اسٹیشن (NCS) جھنگ نے منشیات کے خلاف جاری کریک ڈاؤن کے دوران کامیاب کارروائی کرتے ہوئے ملزم کے قبضہ سے 1510 گرام افیون برآمد کر لی۔حکام کے مطابق ملزم صفدر علی ولد نور خان بلوچ کے خلاف انسدادِ منشیات ایکٹ کے تحت مقدمہ درج کر کے منشیات قبضہ میں لے لی گئی ہے، جبکہ مزید قانونی کارروائی جاری ہے۔اس موقع پر ڈپٹی ڈائریکٹر نارکوٹکس کنٹرول اسٹیشن جھنگ میجر (ر) امان اللہ نے کہا کہ وزیراعلیٰ پنجاب مریم نواز شریف کے ویژن اور ڈائریکٹر جنرل پنجاب کاؤنٹر نارکوٹکس فورس کے احکامات کی روشنی میں پنجاب کو منشیات سے پاک کرنے کے لیے زیرو ٹالرنس پالیسی پر سختی سے عملدرآمد جاری ہے۔انہوں نے کہا کہ منشیات کے ناسور کے خاتمے اور نوجوان نسل کو اس لعنت سے محفوظ رکھنے کے لیے تمام ممکنہ اقدامات کیے جا رہے ہیں، منشیات فروشوں کے خلاف بلاامتیاز کارروائیاں جاری رہیں گی۔